بره‌یه* چاتمامیش یولو ایتیردین

اووو تانیاسان ایزیندن گرك

كؤلگه‌نین آلتیندا دولاناق دئدین

ایگیدین كؤلگه‌سی اؤزوندن گرك

دانیشدین همشه اؤزگه آدیندان

اؤز آدین اؤز سؤزون چیخدی یادیندان

بسدی یارالاما قول قانادیندان

قوشو دا ویراسان گؤزوندن گرك

دئدین گلجك‌له یاشاییرام من

گؤرمه‌دیم هله كی سن یول اوسته‌سن

اگر گلجگه اوچماق ایسته‌سن

مؤحكم یاپیشاسان بو گوندن گرك

______

بره: 

گذرگاه. معبر. كمین. كمینگاه. راه فرار. راه گریز. مرز راه بین قطعات جالیز. جوی باریك برای آبیاری كشتزارها. راه آب. 

قوشوق: بختیار واهابزاده، آخی دونیا فیرلانیر، نشر پینار

اؤزگورلوك

ماشینیمین ایچینده

تورك ماهنی‌لارین آچیرام

سسین ایسته‌ین زامان

 یوكسلدرم گئدر چاتار گؤگ اوزونه

Cd مین ایچینده فارسیجا ماهنی دار وار

آنجاق اولاری قوناقلار داریخماماسینا گؤره

 یاندیرتمیشام cd یه

یئرین بوش دوستوم

دونن بیردن یئریكله‌دیم

شهرده بیر توركو ماهنی سسی اوجالسین دییه

گوپپولردیم قارداش

جادا گئدیر، من گئدیرم، چای گئدیر

اورگیم توتقون‌دو، گؤرگیم* گئدیر

جوتونو ایتیرمیش سونادان سوروش

سن‌دن آیری دوشمك منه نه ائدیر

نا محرم اللردن سنی آلینجا

قوللاریمی سنین‌ بوینان سالینجا

كؤلگه كیمی تورپاقدان سورونوركن

هارا گئتسه‌ن، گله‌جگم دالینجا

قیرمیز آلما، چولاق اله یاراشماز

ساری یارپاق قیرمیز گوله یاراشماز

من‌نن دانیش آمما عیتابینان یوخ

شیرین دوداق آجی دیله یاراشماز

ناغیل‌لاردا، هردن بیر توز قوپاردی

بیرسی ایتیره‌ردی، بیرسی تاپاردی

ناغیلیمدا، یوخومدا، بیر توز قوپدی

بیر دوی* گلدی سنی گؤتدی آپاردی

****

حسین منزوی

گؤرك görək : ظاهر

دوی düy : كیتاب‌دا بئله یازیلمیشدی آنلامین تاپانمادیم یانی نمنه. 

گؤلون سویون كسمزلر؛

گؤلو سوسوز قویمازلار ، اورمو گؤلو

بوسئودا نه سئودادیر ؟

سنی منه وئرمزلر

نئینیم آمان، آمان

نئینیم آمان، آمان

اورمو گؤلو

بو دره‌نین اوزونو،

آچین سددین سویونو،سویونو

بو دره‌نین اوزونو،

آچین سددین سویونو،سویونو

نه اولا بیر گون گؤره‌م

نازلی گؤلومون اوزونو

نئینیم آمان، آمان

اورمو گؤلو

یئنه بیر قملی قزل یازماغی باشلانمادادیر گل

یئنه ظولمون اوتو هر بیر یئره داشلانمادادیر گل

یئنه هیجران یئلی عئشقین یوواسین ییخدی داغیتدی

یئنه عاشیقلریوین گؤزلری یاشلانمادادیر گل

داها شنلیك سسی گلمیر ائویمین هئچ بوجاغیندان

یئنه دوستلوق یوواسی یانماغا باشلانمادادیر گل

داها عاشیق‌لیگی بولبول گوله معنا ائلییه‌نمیر

یئنه بیرلیك سسی عالمده یاواشلانمادادیر گل

یئنه حسرتله "شفیق" اؤز قزلینده بئله سؤیلر

گل كی ائل شاعیرینین گؤزلری یاشلانمادادیر گل

كیتاب دا اویاق‌لاری (قافیه‌لری) آشاغیداكی كیمین یازیلیپ بللی دگیل سونو دور گل دیر یا دیر اكی‌دیر.

باشلانمادادور گل : باشلانمادادیر گل یا باشلانمادا دور گل

یاشلانمادادور گل: یاشلانمادادیر گل یا یاشلانمادا دور گل

...

من بیرینجی بیچیمی یازمیشام.

بتول مطیع نوع پرور (شفیق) – بیر آددیم گل یئتیشك

سنده آخیر عشق بازاریندا اویناتدین منی

بی وفالار مكتبیندن درس آلیب آتدین منی

 سنده آخیر وئرمه دین عشقه بها ای بی وفا

سنده آخیر چوخ اوجوز بیر قییمته ساتدین منی

 سن كی عشقیلن محبتدن دییه‌ردین هر زمان

پس نئجه اینصاف ائدیب بیر بئیله آغلاتدین منی 

سن دئمیشدین ائیله‌رم اثبات من عشقین گوجون

اما آخیر بیر سحر یالقوزلارا قاتدین منی 

سن كناریمدا اولاركن سانكی بیر دریا ایدیم

سن گئدیب بیر لحظه ده صحرایا اوخشاتدین منی

 سن گئده ندن بیلمیرم صوبحیله شامین فرقینی

تار ائدیب صوبحو گوزومده شامه آلّاتدین منی

 سن دییه‌ردین تا نفس وار پوزمارام پیمانیمی

سیندیریپ پیمانیوی بیر عؤمر آغلاتدین منی

 سن گئده‌ركن یازدی بیر شعریله اؤز دردین شفیق

گئتدین اما داغ هجرانیندا قایناتدین منی

بتول مطیع نوع پرور (شفیق) – بیر آددیم گل یئتیشك

mp3 اندیر

هاچانسا قاییدیب گله‌جگم من

بیر داها دانیشیب گوله‌‌جگم من

گؤزونون یاشینی سیله‌جگم من

حسرتله آغلاما، حسرتله باخما

گؤزونون یاشینی سیله‌جگم من

سئوگیلیم داریخما، گولوم داریخما!

گؤزلریم دولوپدور دیندیرمه منی

نیسگیللی سؤزلرله یاندیرما منی

قوروروم سینماییپ سیندیرما منی

اونسوز دا ییخیلمیش ائویمی ییخما

قوروروم سینماییپ، سیندیرما منی

سئوگیلیم داریخما، گولوم داریخما!

اوزاقدا اولسامدا یانیندایام من

فیكرینده روحوندا جانیندایام من

لاپ سنین قلبینده، قانیندایام من

اؤزونو اله آل، قلبینی سیخما

سئوگیلیم داریخما، گولوم داریخما

در الفبای تركی آذربایجانی حرف ğ معادل غ می باشد مانند :

آغلاماق ağlamaq

یاغ yağ

داغ dağ

اوغلان oğlan

آنا

گؤزومو یولدا قویما

باش  داشیمی تاپشیریرام

اؤز دیلیمده یازدیرارسان

منیم یاسیمدا

گؤگلومده قالان آرزیدان

اورگیمدكی نیسگیلدن

اوخشارسان

بیلیرم سنی اینجیتدیم

اینان پئشمانام آنا

آندا وئریرم اللها

باغیشلامامیش، قویما

تورپاق بورونه بویوما.

 حوسئن ساعدی

من آرزی ائدردیم كی ، جهان جننته دؤنسون

افسوس بوتون آرزیلاریم قالدی گؤزومده 

ایچدیمسه حیاتین شرابیندان

آغزیمدا زهرلی دادی قالدی

بیرچوخلاری كؤچدو بو جاهاندان

داشلاردا كیتابدا آدی قالدی

سیرین دییرك اؤلدوسه فرهاد

داغلاردا اونون فریادی قالدی

گؤگلومده یارین خاطیره‌سی باخ!

یالنیزلیغیمی آنلادی قالدی

سئل باسدی بوتون یوردلاری كندی

باخ آشناسی كؤچدو یادی قالد

نه قدر آغلاسان آغلا كی ،سنین آغلاییشین

بو قارانلیق گئجه ایچره اریییب محو اولاجاق

نه سنین‌چین ده، بو گؤیلرده قیزیل گون دوغاجاق...

گئجه‌نین قلبی قارا بیر داشا بنزر و گؤیون

پردئیئ ظولمتی آلتیندا اریر آه و فغان ...

سنین آنجاق او فغانین‌دی بو گؤیلومده قالان!

اومما یاردیم بو سمادان بو یاشیل چارداق‌دان

سنه بو اؤلكه‌ده قانون قارا بیر داخما وئریب

خانا ییلدیزلی ویاشیل آسما وئریب

نه قدر آغلاسان آغلا كی ،سنین آغلاییشین

بو قارانلیق گئجه‌نین قلبی ایچینده اریییر

كیمسه سۏرماز : بو قارانلیقدا بو سس ناله نه‌دیر؟