گؤزل شئعرلر (قوشوق لار)

قوشوق درگي سي

30 - يئنه بير قملي قزل يازماغي باشلانمادادير گل

+0 بيه‏ن

يئنه بير قملي قزل يازماغي باشلانمادادير گل

يئنه ظولمون اوتو هر بير يئره داشلانمادادير گل

يئنه هيجران يئلي عئشقين يوواسين ييخدي داغيتدي

يئنه عاشيقلريوين گؤزلري ياشلانمادادير گل

داها شنليك سسي گلمير ائويمين هئچ بوجاغيندان

يئنه دوستلوق يوواسي يانماغا باشلانمادادير گل

داها عاشيق‌ليگي بولبول گوله معنا ائلييه‌نمير

يئنه بيرليك سسي عالمده ياواشلانمادادير گل

يئنه حسرتله "شفيق" اؤز قزلينده بئله سؤيلر

گل كي ائل شاعيرينين گؤزلري ياشلانمادادير گل

 

كيتاب دا اوياق‌لاري (قافيه‌لري) آشاغيداكي كيمين يازيليپ بللي دگيل سونو دور گل دير يا دير اكي‌دير.

باشلانمادادور گل : باشلانمادادير گل يا باشلانمادا دور گل

ياشلانمادادور گل: ياشلانمادادير گل يا ياشلانمادا دور گل

...

من بيرينجي بيچيمي يازميشام.

بتول مطيع نوع پرور (شفيق) – بير آدديم گل يئتيشك

بازدید