گؤزل شئعرلر (قوشوق لار)

قوشوق درگي سي

33 - جادا گئدير، من گئديرم، چاي گئدير

+0 بيه‏ن

جادا گئدير، من گئديرم، چاي گئدير

اورگيم توتقون‌دو، گؤرگيم* گئدير

جوتونو ايتيرميش سونادان سوروش

سن‌دن آيري دوشمك منه نه ائدير

 

نا محرم اللردن سني آلينجا

قوللاريمي سنين‌ بوينان سالينجا

كؤلگه كيمي تورپاقدان سورونوركن

هارا گئتسه‌ن، گله‌جگم دالينجا

 

قيرميز آلما، چولاق اله ياراشماز

ساري يارپاق قيرميز گوله ياراشماز

من‌نن دانيش آمما عيتابينان يوخ

شيرين دوداق آجي ديله ياراشماز

 

ناغيل‌لاردا، هردن بير توز قوپاردي

بيرسي ايتيره‌ردي، بيرسي تاپاردي

ناغيليمدا، يوخومدا، بير توز قوپدي

بير دوي* گلدي سني گؤتدي آپاردي

****

حسين منزوي

گؤرك görək : ظاهر

دوي düy : كيتاب‌دا بئله يازيلميشدي آنلامين تاپانماديم ياني نمنه. 


بازدید