+0 بیهن
گل دئمه «سئوگیلیم اونودوب منی،
یوردومو یووامی آراماز اولدو»
گل دئمه، «حالیما اورگی یانمیر»
دئمه «خئیره شَره یاراماز اولدو»
دئ گؤروم، كیمده وار منده كی دؤزوم
سنی آددیم-آددیم آرادی گؤزوم
اوزانان یوللاری دارادی گؤزوم
مگر بو یوللاردا یارام آز اولدو
قیناما اوزاقدان-اوزاغا منی
اونودا بیلر می سئون-سئونی؟
هر گون بو ساحیل دن
سَسلهدیم سنی
سَسیمه سس وئرن
تك آراز اولدو
سلیمان رستم