گؤزل شئعرلر (قوشوق لار)

قوشوق درگي سي

هانسي يوللاردان گليرسن - سحر خانيم

+0 بيه‏ن

سيغمايير ايستكلريم منطقلرين اركانينا

ايسته يير عنوان اولوم ديوانه لر ديوانينا

سن آچان گوندن قاپانميش يوللاري رؤيالره

مين ديلك ايلمكله‌نير هر دم گؤيول دامانينا

هانسي يوللاردان گليرسن گؤيده اولدوزلار گولور

چن دوشور حسرت قباسيندان باخيش ميدانينا

سن دوننلر باغچاسيندا اكديگيم بير آرزوسان

گئج بئجردين دوشمه دي كؤلگه ن گؤروش ايوانينا

دامجي دامجي قان داميركن ، قلبيمين پيمانه سي

دالغا – دالغا يوكسلير ميدان وئرير توفانينا

قوي اؤره‌ك درياي عشق اولسون، بوتون وارليق گمي

قوي چئويرسين دالقالار دونياني قان عمانينا

"سحر خانيم" دان

بازدید