+0 بیهن
گئنه
نیسگیل لئچگین سالدی خزان
آچمامیش غنچه لری چالدی خزان
منی ده جایناغینا آلدی خزان
یاشیل احساسلی چمن ساخلا منه
***
یالانا
دوزلوك اوخو ، ائتسه اثر
گول بیتیب ، غنچه گولوب ،
آچسا سحر
بیرده گؤركملی اورك گؤرسون
اگر
او اوركلرده وطن ساخلا منه
***
سؤزلرین
سینه‌لره كؤز قالادار
دویقونون توشگولو كؤزده‌ن جالادار
اونداكی سؤز گونشی
چالخالادار
سؤزده اولدوز كیمی دن ساخلا
منه
***
دایاغ عنوانلی داغ آواره سییم
قارا گونلرده آغ آواره‌سییم
بیر گولوشلوك دوداق آواره‌سییم
قملره قارشی گوله‌ن ساخلا
منه
***
دئمیره م خوشلوغا یاد ائت، یادا سال قم اؤنونده آدیمی فریادا سال
منی ده قم بؤلوشونده آدا سال
بیر اورك پایلی محن ساخلا منه
***
بیر دایان ، زیروه یه اوز قوی گلیره‌م
***
بیر دایان ، زیروه یه اوز قوی گلیره‌م
سانماكی خسته‌یم ایز قوی گلیره‌م
بیر چاناق سؤزده دنیز قوی
گلیره‌م
بیر دؤیوش مئیدانی چن ساخلا
منه
***
اوجالیقلاردا ایزین وار دییه‌رك
چیخارام داغلارا یار یار دییه‌رك
گله‌ر‌م قوربت ائوین دار دییه‌رك
وطن عنوانلی كفن ساخلا منه
سحر خانیم