گینه دونیا كیمی باغریم دارالیب 
قولاغیم سسده، گؤزوم یولدا قالیب 
سیزلاییر ساز كیمی قمدن اوره‌گیم 
هانسی عاشیق اونو حسرتله چالیب ؟ 
كیم آچیب غم قاپیسین وارلیغیما ؟ 
نییه ایستك قاپیسی باغلی قالیب ؟ 
گینه حسرت، گینه آخشام، گینه غم 
گینه دویغو گولو كؤكدن سارالیب 
نه دیلك بازلیغی‌دیر چیلقین اورك ؟ 
من اوچون عرصه دونیا دارالیب 
یورما یار یار دئیه‌رك، یار اوره‌گین 
اودا اؤز ایسته‌گینه فیكره دالیب 
سحر اولسادم دا یالان وارلیغیما 
قارا بایراق گئجه لر كؤلگه سالیب