گؤزل شئعرلر (قوشوق لار)

قوشوق درگي سي

قارا بايراق گئجه‏لر - سحر خانيم

+0 بيه‏ن

گينه دونيا كيمي باغريم داراليب 
قولاغيم سسده، گؤزوم يولدا قاليب 
سيزلايير ساز كيمي قمدن اوره‌گيم 
هانسي عاشيق اونو حسرتله چاليب ؟ 
كيم آچيب غم قاپيسين وارليغيما ؟ 
نييه ايستك قاپيسي باغلي قاليب ؟ 
گينه حسرت، گينه آخشام، گينه غم 
گينه دويغو گولو كؤكدن ساراليب 
نه ديلك بازليغي‌دير چيلقين اورك ؟ 
من اوچون عرصه دونيا داراليب 
يورما يار يار دئيه‌رك، يار اوره‌گين 
اودا اؤز ايسته‌گينه فيكره داليب 
سحر اولسادم دا يالان وارليغيما 
قارا بايراق گئجه لر كؤلگه ساليب 

بازدید