گؤزل شئعرلر (قوشوق لار)

قوشوق درگي سي

گونش بايداسي - سحر خانيم

+0 بيه‏ن

حسرت ياش اولوب، گؤزلره دولماقدادي، داي گل

گؤز ياشلاري آخماقدا، سئل اولماقدادي، داي گل

هجران تورو دونياني قفس تك بورويوبدور

دونيا كيمي باغريم دا دارالماقدادي، داي گل

هجرينده كئچن لحظه لري يانقيلي ساز تك

قم پنجه‌سي، آه نغمه‌سي چالماقدادي، داي گل

سن‌سيزليگه دؤزمك نه ساياق مۆمكۆن اولارميش

دؤزدوم، دؤزوموم جانيمي آلماقدادي، داي گل

                                                                          

گل قوي گونشين بايداسي دونيايه جالانسين

باغريمدا قارانليق ايزي قالماقدادي ، داي گل

سال داغلارا هاي، گؤيده بولوتلار ديله گلسين

يارپاق كيمي وارليق بويو سولماقدادي، داي گل

ياتماز، يولونو گؤزلريم اولدوز كيمي گؤزله‌ر

گؤزلر كؤكو حسرتله سارالماقدادي، داي گل

هر گون سحر  آدديملاريوين ماهنيسين ايزله‌ر

آچميش سحرين باغري قارالماقدادي، داي گل

بازدید