گؤزل شئعرلر (قوشوق لار)

قوشوق درگي سي

كار كاسيب شئعري - آغاي عزتي دن ميانالي شاعر - ياشاسين!

+0 بيه‏ن


صوتي فايلي انديرين (دانلود)


دانلود:

http://hosaedi.arzublog.com/uploads/hosaedi/4_ezzati-kasib.mp3

ميوه‌يه حسرت‌دي نئچيل كار كاسيب

گئت خبر ائيله كاسيبي پاس باسيپ

باخسون اگر آغزينا يوخدور ديشي

جامئعه‌ده يوخ كاسيبين ارزيشي

يوخدو دامارلاردا قاني كار كاسيب

ايشلمه‌گه يوخدو جاني كار كاسيب

چوخلو شامين قئيديني شامدان وېريپ

طايفاسي گلمير هامي اوندان قېرېپ

دار گونونه يوخ داياغي كار كاسيب

گولمه‌دي هئچ واخت دوداغي كار كاسيب

ائيله نظر يا رب اۏدا بنده‌دي

چوخلو زامان نفسينه شرمنده‌دي

زينديگيوين يوخ مزه‌سي كار كاسيب

پالتاروون يوخ تزه‌سي كار كاسيب

مجلئسه گئتسه اۏنا يۏخ هاي وئرن

دورسادا صف‌ده اۏنا يۏخ چاي وئرن

گؤرمه‌دي اؤمرونده صفا كار كاسيب

آج دولانير  (؟)كار كاسيب

طايفادا تحريم ائليييپلر اۏنو

آروادينين مجليسه يۏخدور دۏنو

قيزلارينين يۏخ جاهازي كار كاسيب

يوخدو اؤونده فئر گازي كار كاسيب

دريا كيمي موج – تلاطوم‌ده دي

اؤمورو اونون ريم دادادان ريم ده دي!

داغلارين اۆستۆ لالادي كار كاسيب

هر مرضه موبتلادي كار كاسيب

باشماغي يوخدو كاسيبين بچه‌سي

چاره‌سيزين داغلارا تۆشدو سسي

اۏعلادي باخمير سؤزونه كار كاسيب

هئي دانيشير اؤز اؤزونه كار كاسيب

يا رب اۏنون حددن آشيپ مئحنتي

اؤعده يۏخو فرش و متككا پتي

اقصاتيني سالدي دالا كار كاسيب

گل گنه توشدو ايسالا كار كاسيب

اؤلسه اگر هئش‌كسه اۏلماز خبر

ثيروتي يوخدو اولا زير و زئبر

بايرامينا كيشميشي يوخ كار كاسيب

دۆز تؤرمه‌للي ايشي يوخ كار كاسيب

طايفادا يۏخ دردينه درمان ائدن

اؤلسه اگر ختمينه اولماز گئدن

(آتالارسؤزو : كاسيب اؤلوسونه ياس ساخلاماز!)

ايشلري توشدو چتينه كار كاسيب

چاتميياجاق مقصدينه كار كاسيب

چوخ كئفي‌ساز هر جۆمه دربت‌ده‌دي

آمما كاسيب خوش گونه حسرت‌ده‌دي

باخچاسينين بئلچه‌سي يوخ كار كاســــــيب

قيزلارينين ائلچيسي يوخ كار كاســــــيب

چوخ گئجه‌لر عزتي آغلار گؤزوم

دئ ائشيدنلر بئله بيلسين سؤزون

اللري چاتمير چاريغا كار كاســــــيب 

گــــــــل گنه توشدو تيريـــــــغا كار كاسيب!

  

بازدید