نه قدر آغلاسان آغلا كی ،سنین آغلاییشین

بو قارانلیق گئجه ایچره اریییب محو اولاجاق

نه سنین‌چین ده، بو گؤیلرده قیزیل گون دوغاجاق...

گئجه‌نین قلبی قارا بیر داشا بنزر و گؤیون

پردئیئ ظولمتی آلتیندا اریر آه و فغان ...

سنین آنجاق او فغانین‌دی بو گؤیلومده قالان!

اومما یاردیم بو سمادان بو یاشیل چارداق‌دان

سنه بو اؤلكه‌ده قانون قارا بیر داخما وئریب

خانا ییلدیزلی ویاشیل آسما وئریب

نه قدر آغلاسان آغلا كی ،سنین آغلاییشین

بو قارانلیق گئجه‌نین قلبی ایچینده اریییر

كیمسه سۏرماز : بو قارانلیقدا بو سس ناله نه‌دیر؟