1. "آواوا" رومانی چاپدان چیخاندان سونرا دفعه­لرله سوروشوبلار: "نیـیه دایاناق سؤزو ایشله­

نیب؟" 

2. نظره گلیر گنج یازارلاریمیزین بیر پاراسی "دوراق" سؤزجویونو توركیه­دن گؤتوردوكده قاتار

ایستگاهینا دا ایشله­دیرلر. بیر پاراسی دا آذربایجان جومهوریتینده تزه­لیكده تاپیلان "دایاناجاق"

سؤزونو هرهانسی بیر نؤوع ایستگاه دیرسا ایشله­دیرلر. بو سایاق فرق­سیز اولان آد قویمانین

اساس دلیلی ده فارس دیلینده "ایستگاه" سؤزجویونون ایسترسه قاتار ایسترسه ده اوتوبوس

دوران نؤقطه­یه فرق­سیز دئییلدیـیینه قاییدیر. حالبوكی بونلار فرق­لی دیرلر. 

دوراق, دایاناق, دایاناجاق. . . هانسی؟ 

"دوراق" توركیه­ده اوتوبوس ایستگاهینا دئییلیر. 

"دایاناجاق" تزه­لیكده آذربایجان جومهوریتینده ایستگاها دئییلیر. 

"دایاناق"-ی من رومان­لاریمدا قاتار ایستگاه­لارینا ایشلتمیشم. 



دونیانین _دئمك اولار_ چوخلو اؤلكه­لرینده "ایستگاه" ایكی دسته­یه بؤلونور: 1. دامداشلی,

تأسیساتلی ایستگاه (قاتار ایستگاهی كیمی), 2. دامداش­سیز, تأسیسات­سیز ایستگاه

(اوتوبوس دوران یئر كیمی). اونون­چون ده بو ایكی یئره ایكی فرق­لی اولان آد وئریلیر, میثال اوچون

اینگیلیس دیلینده قاتار ایستگاهینا استئیشن (station) و اوتوبوس دوران نؤقطه­یه ایسه

 stop (bus stop) دئییلییر. 

توركیه­ده ده بئله دیر. اوردا اوتوبوس دوران نؤقطه­یه "دوراق", قاتار دوران یئره ایسه "ایستاسیون"

دئییلیر. 

من ده رومان­لاریمدا "دوراق"-ی اولدوغو كیمی اوتوبوس ایستگاهینا, "دایاناق"-ی دا قاتار

ایستگاهینا ایشلتمیشم. 

منجه توركیه­لی­لر قورولوش باخیمیندان دوزگون داورانیبلار؛ یعنی "دوراجاق" یئرینه "دوراق"

ایشلتمك­له سؤزجویو ییغجام فورمادا قوروبلار. بو ایش "دایاناق" موریدینده ده بئله اولمالی دیر؛

یعنی "دایاناجاق" یوخ بلكه "دایاناق" اولمالی دیر. من ده بو ایشی گؤرموشم. 

دیلده گؤزو باغلی تقلیدچی­لیك دوز ساییلان ایش دئییل. 

من بیلن بو دیر! 

قایناق : http://avava.blogfa.com/post-48.aspx

ناصر منظوری

-------------------------------------------

حوسئن ساعدی : كوروغلو ناغیلیندادا "دوراق" سؤزجوگو ایشلنیپدیر ، ائیوازین چنلی بئله گتیریلمه‌سی بؤلومونده كوروغلو دئییر :

پولاددان قولجاق قولوما

دلی‌لر ساغ و سولوما

آت مینم دوشمن یولوما

چنلی بئل دوراغیم اولا