گؤزل شئعرلر (قوشوق لار)

قوشوق درگي سي

سنده آخير عشق بازاريندا اويناتدين مني

+0 بيه‏ن

سنده آخير عشق بازاريندا اويناتدين مني

بي وفالار مكتبيندن درس آليب آتدين مني

 سنده آخير وئرمه دين عشقه بها اي بي وفا

سنده آخير چوخ اوجوز بير قييمته ساتدين مني

 سن كي عشقيلن محبتدن دييه‌ردين هر زمان

پس نئجه اينصاف ائديب بير بئيله آغلاتدين مني 

سن دئميشدين ائيله‌رم اثبات من عشقين گوجون

اما آخير بير سحر يالقوزلارا قاتدين مني 

سن كناريمدا اولاركن سانكي بير دريا ايديم

سن گئديب بير لحظه ده صحرايا اوخشاتدين مني

 سن گئده ندن بيلميرم صوبحيله شامين فرقيني

تار ائديب صوبحو گوزومده شامه آلّاتدين مني

 سن دييه‌ردين تا نفس وار پوزمارام پيمانيمي

سينديريپ پيمانيوي بير عؤمر آغلاتدين مني

 سن گئده‌ركن يازدي بير شعريله اؤز دردين شفيق

گئتدين اما داغ هجرانيندا قايناتدين مني

 

بتول مطيع نوع پرور (شفيق) – بير آدديم گل يئتيشك


بازدید